أبيضار: لعنة الله على «داعش» وأنا اللي غادي نفركَع البغدادي ماشي هو

أبيضار: لعنة الله على «داعش» وأنا اللي غادي نفركَع البغدادي ماشي هو

حاورتها: بشرى الضوو
ألو.. السلام عليكم.
وعليكم السلام ورحمة الله.
بنتي لبنى أبيضار هاذي؟
آييه أللا.. شكون معايا؟
بنتي كتعرفي أن الله سبحانه وتعالى قال في سورة «القصص»: «إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَنْ يَشَاءُ وَهُوَ أَعْلَمُ بِالْمُهْتَدِينَ»؟
طبعا.. ولكن علاش كتقولي ليا هاذ لهضرة؟
بنتي أنا تقاتلت باش نجيب النمرة ديالك.. نمرتك ديال المغرب ما بقاتش خدامة.. بوسائلي الخاصة لقيتها.. لهذا أنا كنطلب منك تسمعي ليا مزيان وما تقطعيش فوجهي التلفون حتى نكمل ليك. واخا ما تعجبكش هضرتي.
(ترد بعد صمت طويل): واخا آ لالة.
بغيت نخبرك باللي أنت محضية في البرتغال.. يا الله اليوم تعطا قرار باش نقتلوك.. أنا من مناصرات تنظيم «داعش» العظيم.. أريد أن أخبرك أختي في الله أنه تقرر قتلك إن لم تصوري فيديو في أجل أقصاه يومان اثنان تناصرين فيه «داعش» وزعيمنا أبا بكر البغدادي رضي الله عنه؟
(ضاحكة): أنا كنشكرك بزاف على المجهوووود وأنك قلبتي على نمرتي الأوربية باش تقولي ليا هاذ الهضرة هاذي.. شفتي الفيلم في صورته الحقيقية ولا شفتي الصيغة المشوهة ديالو؟
شفت الصيغة المشوهة أو الحقيقية .. في الصيغتين معا تظهرين أنت بشحمك ولحمك.. نحن نتكلم عن المبدأ.
(ترد بنبرة خوف): إيوا إذا بغينا نهضرو على المبدأ أنا كنعتاذر للمغاربة ألف خطرة.. وعلى راسي وعيني وأنا فاش درت الفيلم ما بغيتش نضر بنات بلادي أو أمي.. بالعكس أنا كنت كنتكلم على واحد الشريحة معينة باش نلقاو ليها حل، فقط.. قالو باللي تخسار الهضرة قوي وأنا كنعتاذر.
وماذا تقولين يا ابنتي عن تلك الممارسة الجنسية الكاملة؟.. ألا تعلمين أن الله مسخك وقتها وأن مصيرك هو جهنم؟
(ترد بغضب شديد): الله يخليك.. ماكايناش شي حاجة في العالم فيها ممارسة جنسية ولو حتى عند اليهود.. تبارك الله المغاربة واعيين وعارفين مللي كيكون عندك الفيلم كامل ممكن تلعب في المونتاج وتفبركو.
فلتعلمي يا ابنتي أن أبا بكر البغدادي أعطى أوامره بقتلك.. وأنا أتصل بك الآن لأنصحك بمناصرته وتصوير فيديو تتبرئين فيه من كل ذنوبك آنذاك سيكون لنا (…).
(مقاطعة وهي تضحك بقوة): شوف آ حبيبة.. نطلبك طليبة قولي لأبو بكر البغدادي الله يرحم ليك بيها الوالدين إذا كانت عندك شوية ديال النفس آجي تشوف شكون سباب هاذوك البنات اللي كيتعذبو عندنا فهاذ البلاد.. يدير حل لهاذوك الخليجيين اللي كياكلو لحم بناتنا.
كون كنت بنت داركوم آبنتي.. كون ماصورتيش هاذيك المشاهد.. آش هاذ لفضيحة اللي درتي؟
ألالة.. أنا مادرت حتى شي فضيحة.. أنا فنانة وجسدت واحد الدور.
مازال كتدافعي على الدور؟.. ارجعي إلى طريق الله يا ابنتي فالدنيا فانية وإن انتميت إلى تنظيمنا فإنك ستكسبين الدنيا والآخرة معا..
شوفي آ بنت (الق…).. غادي تسلمي ليا على السي أبو بكر البغدادي وقولي ليه قالت ليك لبنى أبيضار شخصيا.. الله يخليك آ سيدي إذا كانت فيك شي ذرة ديال الايمان آجي الله يخليك تشوف آشنو واقع لينا في بناتنا.. وقولي ليه رمضان مبارك.. أنا مادرتش حتى شي حاجة فيها العيب.
لا والو ما درتي والو غير درتي فيلم ديال البورنو..
قولي أعوذ بالله من الشيطان الرجيم.. واش ماصايماش؟
أنا ماصيماش؟ !!.. وأنت اللي عيب تهضري على الصيام ورمضان.
سيري لعنة الله واعليك آ الق(…).. شوفي أنا مابغيتش نقطع ليك في وجهك حيث أنا مؤدبة ومتخلقة..
ابنتي عودي إلى صوابك وارجعي إلى ربك ولتخافي من الله.
أنا ماكنخاف حتى من شي حد أنا.
كون ماكنتيش كتخافي علاش هربتي للبرتغال؟
لا آختي.. أنا دائما في الصيف مللي كنشد العطلة ديالي كنسافر 3 شهور ديالي.. ماشي هربت.. علاش غادي نهرب؟.. نهرب من الطوفان.. آشنو واقع آ عباد الله.. راه واااالو غير فيلم.. آش درت آنا؟
درتي مشاهد بورنوغرافية وستذبحين بسببها؟
أعوذ بالله من الشيطان الرجيم تحملي مسؤوليتك فهاذ الهضرة.
غير قولي ليا واش ماحشماناش؟
علاش غادي نحشم؟
حشمي على عرضك.. وعلى ديك الفضيحة اللي درتي؟
(غاضبة): عرضي حشمانة عليه آ حبيبة.. نعاود نقوليك راه مابغيتش نقطع عليك وما بغيتش نهضر معاك هضرة خايبة.. الله يخليك حسني ألفاظك معايا ولا غادي نقطع.
اعذريني يا ابنتي أنا أخشى عليك فلتصوري فيديو مناصرتك لتنظيم «داعش» وأعدك بأنهم لن يذبحوك؟
(غاضبة بشدة): عرفتي آشنو تديري؟.. لبسي آ حبيبة واحد الجليليبة وطلعي لكَيليز فمراكش وأكادير في الشاطئ وسيري لطنجة والرباط وشوفي القاصرات قولي للسي البغدادي يعاود حساباتو قبل ما نجي نجاهد فيه أنا.. أنا اللي غادي نتفركَع عليه ماشي هو.
فلتحترمي زعيمنا ولتتذكري أننا حذرناك وتكلمنا معك بهدوء.
شنو زعما؟.. نعتابر هذا تهديد؟
اعتبريه مثلما تعتبرينه.. نصحناك ورفضت النصيحة.. فلتتحملي مسؤوليتك؟
شوفي آ حبيبة لعنة الله على «داعش».. إذا كان البغدادي كيقدر يهدد ناس ماعندهوم علاقة بيه فواحد القنت.. حتى أنا نهدد: العين بالعين والسن بالسن.
آبنتي راه الدنيا تغر أمثالك.. أنا باغية نلاقيك مع بعض الشيوخ لعل الله سبحانه وتعالى يهديك للصراط المستقيم.
عرفتي آشنو والله حتى أنت باينة ليا من هاذوك مجاهدات النكاح اللي مع «داعش».
وما به جهاد النكاح؟.. نحن نجاهد في سبيل الله.
(ترد بغضب شديد): في سبيل الله تعالى؟ سيري لعنة الله عليك!!.. راه نتوما اللي حلال فيكم الجهاد.. الصراحة انتوما وهذاك البغدادي ديالكوم.. راه نتوما اللي مجرمين وسفاحين.. راه أنت اللي كتبيعي لحمك وكتجاهدي وكتفتاخري بيها.. سيري الله يمسخك.
أنت هي الممسوخة من الله.. الله يلعن اللي ما يحشم.. وجدي عنقك للذبيحة؟
سيري الله يمسخك لعنة الله عليك (ثم تقطع الخط).
(تعيد الصحافية الاتصال بها عدة مرات ولأيام متتالية لتكشف لها المقلب قبل النشر دون أن ترد فتتصل بها من رقم هاتفي آخر فترد…).

رد فعلها لدى اكتشافها المقلب
ترد قائلة: «حرام عليكوم خليتوني كنترعد.. واخا بنت ليكم ماخايفاش ولكن والله حتى كنت كنترعد خصوصا مللي دورتها في راسي.. واخا عليكوم درتوها بيا».

نبذة عن الكاتب

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *