CAM ONLINE_Top
CAM – Campagne Mobile-Top
970 250x

أفتاتي: «يستحيل أن أختلي بامرأة لأنهم سيصورونني فأنا مراقب»

أفتاتي: «يستحيل أن أختلي بامرأة لأنهم سيصورونني  فأنا مراقب»

حاورته: بشرى الضوو
السلام عليكم..
وعليكم السلام ورحمة الله تعالى وبركاته.
السي أفتاتي كل التضامن معك.
شكرا أللا.. شكرا.. شكون معاي؟
معاك الدكتورة نسرين العلوي، أستاذة القانون الجنائي بجامعة القاضي عياض بمراكش.
مرحبا.
آشنو هادشي اللي واقع ليك مع «البي جي دي»؟
إيوا ها انت كتشوفي آ الأستاذة البؤس فين وصلنا.. ما هذا البؤس آ أستاذة؟.. بؤس حقيقي ولينا كنعيشو فيه.
قبل يومين كنت بالرباط وقد كان معنا الأستاذ حامي الدين ويبدو أنه ما عندوش معاك.. السيد كيكرهك كره العما.
ماعندي ما ندير بمشاعره.. لا تهمني إلا قناعاتي الإسلامية البسيطة.. أنا رجل بسيط جدا وأكثر من بسيط.
قال لنا حامي الدين إن «هاذي هي الّْخْرَا ليك» في الحزب.. وإنك لم تعد منتميا لـ«البي جي دي»؟
ما يقوله هو كلام البؤساء وكلام السفهاء.. المسكين لا يعلم أنني أعيش حياتي بكل بساطة فأنا أمازيغي وأعيش حياة الأمازيغي البسيطة ولا ألتفت لمثل كلام البؤس هذا.
ياكما بيناتكوم شي مشكل كبير؟
لا.. لا.. ماعندي حتى شي مشكل معاه.
قال لنا إنك تجاوزت كل الحدود بسبب ما حصل في الحدود؟
آش هاذ البؤس آ الأستاذة؟.. هذا كله كلام هرطقة فليتحمل مسؤوليته هو وكل من يقول هذا الكلام.. المناطق الحدودية آمنة.. ونحن نتعايش فيها بشكل مشترك في أمان بأخوة عميقة وبمودة مثالية بين الشعبين.. ماعرفتش علاش كيتكلمو في أمور لا يفهمونها.. هاذ الألفي كيلومتر باش محمية؟.. محمية بالعلاقات والمودة والأخوة وبالقرابة.. هي محروسة أمنيا وحتى الدار البيضاء محروسة أمنيا وجميع مدن المغرب محروسة أمنيا ما المشكل؟.. آجي انت آ الأستاذة وزوريها.. أنا واحد من المغاربة اللي كيصعاب عليه يتصور أن نتحدث عن مشاكل في أماكن ما فيهاش مشاكل وتفضلي آ الأساتذة زوري هاذ المناطق.
عرفتي شنو زاد قال لينا عليك؟
آش كال (بتثليت الكاف).
قال لنا إنك لا تُشَرِّفُ حزب العدالة والتنمية وإن الحزب بريء منك؟
(غاضبا): «البي جي دي» ليس ملكه هو ملك لأولاد الشعب ماشي ديال شي واحد..
قال لنا إن الطرد سيكون مصيرك؟
(غاضبا): عنداك غير أنا نطردو ماشي هو اللي يطردني.. هذا حزب الشعب وليس حزب شخص أو بضعة أشخاص هو ليس أصلا تجاريا مكتوبا باسم أحد.. هذا حزب شعب بأكمله وحزب مستقل وسيبقى كذلك.. لا أحد يملك هذا الحزب لأنه مبني على المشروعية لا على الهرطقة.
بقا فيه الحال حيث عايرتي ليه صاحبو هذاك الخلفي.. سبحان الله ما كنحملو ماكنقبلو أنا؟.. قال ليك حتى هو أصبح وزير.
(ضاحكا): إمتى عايرتو؟
نسيتي نهار قلتي ليه خاصو يستاقل على هاذيك الفضيحة اللي دارت هاذيك خيتي ديال جينيفير لوبيز؟
لم أطالب باستقالته بل قلت خاصو يتحمل مسؤوليتو.. خاصوا يمارس الاختصاصات ديالو ويواجه الترويج لأذواق لا علاقة لها مع المواطنين.
أنا ماشي جبان أنا آ الأستاذة كنقول إن جينيفير لوبيز مرت في «دوزيم» باعتبارها بوقا إعلاميا للدولة العميقة.
شوف أنا والله حتى كتعجبني فيهم.. برافو عليك.
(ضاحكا): إيوا مللي تكوني في الرباط تاصلي بيا نتشاوفو نتغداو جميع.
هانا جاية الصيمانة الجاية.. فين غادي تعرض عليا؟
أنا جاي غادي ندير شي طليلة نهار الثلاثاء باش ما يكولوش (بتثليت الكاف) علي جبان.. في البرلمان نتغداو ونتذاكرو إن شاء الله.
لا..لا بغيتي تفضحني.. كيعرفوني كلهم.. إذا شافوني تغذيت معاك غادي يقولو شنو بيناتهوم.
(ضاحكا): إيوا وفين باغياني نغذيك؟
فْشِي RESTAURANT بْرَّا؟
شي ريستورون كاع؟.. هادشي مستحيل.. خصوصا في هاذ الظرف.. الواحد خاصو يحضي راسو لا تخرج ليه شي تصويرة في شي بلاصة.
صافي لقيت ليك الحل؟.. عندي أختي ساكنة في هرهورة نمشيو نتغداو عندها في دارها.. غادي تكون مسافرة.. نتغداو على خاطرنا أنا وياك الراس فالراس.
(ضاحكا): ماكاينش عندي شي مشكل.. ولكن لا..لا.. والله ما نقدر.
شنو المشكل؟.. ما نقدرش نتغدا معاك أنا في البرلمان.. أنت ما تقدرش تخرج لشي مطعم برا.. أفضل حل هو نتغداو في مكان خاص؟
(يتحدث بنبرة خوف): لا..لا.. ما نقدرش.. الأجهزة يقدرو يخرجو ليا شي فضيحة.. لا يمكن أن أختلي بامرأة.. يمكن أن يستثمروا الموضوع في فضيحة.. لا..لا.. وأنا عارف حق المعرفة أنهم يراقبونني.

رد فعله لدى اكتشافه المقلب
«يصدم كثيرا ثم يقول ياك بعدا ما كلتش (بتثليث الكاف) شي حاجة اللي فيها العيب؟»

نبذة عن الكاتب

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *

error: !!حقوق النسخ محفوظة