GCAM_Top
TM_Top
TM_Top-banner_970x250

محمود الإدريسي: « ما فيها عيب نصبغ شعري.. المصيبة هي نعمر التجاعيد»

محمود الإدريسي: « ما فيها عيب نصبغ شعري.. المصيبة هي نعمر التجاعيد»

حاورته: بشرى الضوو
السي محمود الإدريسي.. ساعة سعيدة!!
الله يبارك فيك أللا.
ياك ما مشغول؟
لا.. أنا غادي مسافر دابا.. ولكن أنا موجود.
معاك نسرين العلوي، أنا ممثلة شركة «BYE BYE LES RIDES» (باي باي التجاعيد).
(ضاحكا): التجاعيد.. باي باي مع السلامة.. مزيان.
هاذي شركة فرنسية.. يا الله دخلنا للمغرب.. فكرنا نجربو فيك المنتوج ديالنا.
(ضاحكا): ياك أللا؟
واش ممكن تستعمل المنتوج ديالنا وتصبح أنت هو الوجه الإعلاني ديالنا؟
والله ماعرفت.. واش هادشي معقول ولا ماشي معقول.
طبعا معقول حنا الشركة رقم واحد في فرنسا، فكرنا في وجه إعلاني يكون فنانا وفي نفس الوقت يكون في عمرك وشوية مكمش، فاختاريناك أنت.
(ضاحكا): آييه مزيان.. واخا أللا.. أنا دابا مسافر عندي اتحاد الفنانين العرب معاي.. أنا مسافر بيهم واحد خمس أيام أو ست أيام وغادي نرجع للدار البيضاء ونتقابلو إن شاء الله.
الحملة الإعلانية غادي تبدا في رمضان.. نعتابروك مبدئيا موافق؟
ماشي مشكل.
ولكن خاصك تعرف شروطنا أنت غادي تاخذ مقابل كبير ولكن خاصنا نصورو معاك فيديو كنحقنو ليك فيه وجهك بالمنتوج ديالنا ونديروك قبل وبعد؟
إيوا مانكذبش عليك أنا من الناس اللي كنبغي نبقا عادي.
ولكن غادي تولي شباب..
لا كيعجبني راسي هاكذا.
ولكن غادي تعجب جمهورك أكثر بلا تجاعيد.
واخا عيطي ليا من دابا واحد يومين.. ندوز واحد الشوية مع هاذ الإخوان وديك الساعة نهضر معاك.
واش نعتابرها موافقة مبدئية؟
آيوة منكذبش عليك مامستاعدش لهاذ العملية.. أنا راضي بخليقة الله كنبغي نبقى كيفما أنا.. لكل سن جماله.. فهاذ المسائل بحال هاكذة خاصني المشاورة.. خاصني حتى نتشاور مع راسي شوية مامستاعدش.. يمكن تشوفو شي فنان آخر. ماعنديش هاذ الميولات كلها ديال التجميل.. كنبغي نبقا عادي.
إذا كان عاجبك راسك هاكذا علاش كتصبغ شعرك؟
كنصبغ شعري عادي.. عادي نصبغو.. مافيها حتى شي عيب.. العيب والمصيبة هي نعمر التجاعيد.. وزايدون ماكنصبغوش ديما.. مرة مرة..
فكر مزيان.. المقبل سيكون مغريا..
لا.. لا.. أنا مزاوك فيك أللا.. شكرا.. أنا كنشكرك..
شوف شي واحد من هاذوك الفنانين العرب اللي معاك نجربو فيه.
(غاضبا بشدة): دويت معاك أللا كلمة واحدة صافي في أمان الله وحفظه. (ثم يقفل الخط).

رد فعله لدى اكتشافه المقلب
يقول ضاحكا: «يستحيل أن أقبل واش نخلي الناس يضحكو فيا؟».

نبذة عن الكاتب

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *

error: !!حقوق النسخ محفوظة