الرئيسية

الشيخ الزمزمي: «الفزازي صَنَم أكرهه ومن رأتني عريسا في منامها ستعيش سعيدة»

حاورته: بشرى الضوو
السلام عليكم!
وعليكم السلام ورحمة الله تعالى وبركاته.
الشيخ الزمزمي عواشر مبروكة..
الله يبارك فيك.
أعرف أنك ضليع في الفتاوى لكني بحاجة إلى تفسير حلم، هل يمكنك ذلك؟
نعم.. باش حلمتي؟..
حلمت خير وسلام أنك عريس جالس معاي في نفس «الكوشة».
(ينفجر من الضحك): إيوا مزيان هذا فأل خير.
بلاتي ما زال ما ساليت ليك الحلم..
نعم.. كملي أنا كنسمعك.
ماكنتيش غير بوحدك معاي في الكوشة.. كنت أنت والخطيب ديالي اللي ناويا نتزوج بيه والشيخ الفزازي..
يا لطيف يا لطيف ماتجبديش ليا هاذ المخلوق ما كنحملو ما كنقلبو.
شكون هو؟.. خطيبي؟
لا هذاك اللي ذكرتي.. ما تجبديهش ليا.
شكون؟.. الفزازي؟.. كتكرهو؟
المهم كملي آش وقاع في الحلم.
سبحان الله بانت ليا في الحلم ديالي أنك كتركهو.
آييه.. شنو بان ليك؟
حلمت بيكم بزوج كتخاطفو علي وأنت تخاصم معاه وفي الأخير جريتي عليه ومشا بحالو هو وخطيبي وبقاو الناس كيزغرتو علينا بزوج.
(ضاحكا): هذا ليس حلما إنها رؤيا وما حلمت به صحيح.. فأنا فعلا أمقت هذا الرجل ولما حلمت أنني جريت عليه فهذا هو الواقع.. وكونك حلمت بي عريسا لك فهي رؤيا كلها خير لأنه لا يمكن أن أكون إلا مبشر خير في الحلم أنا وصاحبة الحلم ستكون سعيدة.. هذه الرؤيا كلها خير وسعادة.
إيوا شنو المعمول دابا؟
فاش؟
إيوا شنو دابا ما نتزوجش بخطيبي ونتزوجك أنت؟
(ضاحكا): مرحبا.. فين ساكنة؟
ساكنة في طنجة.
أنت طنجاوية؟
لا كازاوية ويا الله سكنت حدا دارك؟
فين كاينة داري؟
في عين الحياني هنا بطنجة.. أنا ساكنة في النزلة فين كاينة هاذيك الشركة ديال الاتصالات.
مزيان راكي قريبة.
إيوا شنو درنا دابا؟.. نتلاقاو؟
آييه.. مرحبا.. آشنو جيتي تديري في طنجة؟.. سكن ولا غير سياحة.
لا ساكنة مع خطيبي اللي غادي نتزوج بيه.
كيفاش؟.. ساكنين بلا عقد زواج.
نعم بدون عقد زواج.. ولكن غادي نتزوجو من بعد رمضان.
كيفاش زعما عايشين حياة الحيوانات؟
بزاف عليك.. عايشين حياة عادية ديال بني آدم.
انت مامزوجاش بيه وساكنة معاه إذن عايشة معاه بحال عيشة لقطوط والكلاب.. شنو الفرق بيناتكوم؟
حرام عليك ما خليتي ما قلت في أنا وخطيبي.. وصفتنا بالحيوانات والقطط والكلاب، حرام عليك.
(يصمت طويلا ثم يرد بهدوء): نعم أنت تعيشين حياة القطط والكلاب.. هذا هو الواقع.
نحن نعيش في سنة 2015 ما بقيناش قدام؟
(ضاحكا): حتى لقطوط عايشين في سنة 2015.
خطيبي راه كاين في كازا.. تقدر تجي تعشا عندي في الدار مرحبا بيك.
(ضاحكا): إيوا والسلام.. مرحبا.
آشنو نوجد لعشا؟.. ندير ليك شي طاجين؟
ياك قلت أنت مخطوبة؟
راه مسافر لكازا.
آييه.. ولكن حرمته لا تزال قائمة.
آشنو نجي عندك لدارك ولا نتلاقاو في شي بلاصة أخرى؟
نتلاقاو إن شاء الله في الحبس.
برا والباس علينا.. ياك لاباس؟
إيوا أنت كتقولي نجي عندك لدارك من تما للحبس.. علاقة بدون زواج ستؤدي مباشرة للحبس.
الشيخ الفزازي أحسن منك.. على الأقل هو أكثر حداثة منك.
ما تجبديهش ليا.. ما كنحملش هاذ المخلوق.. ماكنحملوش.. أنا لا أتحدث عن صنم أكرهه.
من يكون الصنم؟
هذا الشيخ الفزازي صنم يستحق كل الأوصاف أن تقال في حقه.

رد فعله لدى اكتشافه المقلب
(يرد ضاحكا): «درتيها بي مرة ثانية».

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى