يَلاه أسيادنا الله يرحم من زار وخفف، نوضو فرقو علينا هاد الجقلة، واللي عندو شي شغال يمشي يقضيها، تال الانتخابات الجاية ان شاء الله، يلا جبنا فيها شي مقاعد ونعاوْدو نعيطو عليكم عوتاني
وَلابد من العمل من أجل تعزيز موقعنا الالكتروني، في المشهد الحزبي والسينمائي، ضمن الديماغوجية التربوية، وفي إطار عصرنة «العالم القروي»، و«العالم الرياضي» و«برنامج آراب آيدول».. نااري ويلي ويلي آش تانكول.. الله يخليكم ما تكتبوش هادشي راه غير عطب تقني فاللوجيسيال
آسيدي.. آلشريف، واش ما سمعتيناش كلنا ليكم فرقو الجقلة، واش غا تمشي بحالك تبدل ساعة بخرى ولا نعيط عليهم يخرجوك بزز. يا لطيف يا ليطف، تانديرو ليهم الندوات وتايندمونا
أويلي وحدي دغية نسيتو العْشْرة.. نهار كنت عمدة، «كعب لغزال» كان كيبقى غا مشتت فالمنصة بحال هاكا، ودبا تا كاس تاع أتاي ما حطيتوه
وااايلي تا نتوما خـْلاص عليا، آش بغيت بشي عمودية.. أنا دبا راه زعيم سياسي كبير، خاصني نحط عيني على رئاسة الحكومة
أويلي شفتكم ما حطيتو لينا فالمنصة لا حلوة لا أتاي لا قراعي ديال الما.. واش صافي غير حيت ما بقيتش عمدة بغيتوني نعود ندير الندوات ناشفين ولا مالكم؟
وخا عليكم غا عقلو فيها، هالانتخابات البرلمانية قريبة، وغا نولي رئيس حكومة وديك الساعة نشبع كعب غزال غا بوحدي، والله لاذوقت شي واحد فيكم
غا نعود نخصص ليا ربعة الطباسل ديال الحلوة.. جوج ديال «الفقاص»، وجوج ديال بشكيطو.. وعاد زيد معاهم جوج برارد ديال أتاي واحد بالشيبة والثاني بالنعناع العبدي
