فاطمة مروان، وزيرة الصناعة التقليدية والاقتصاد الاجتماعي والتضامني
17 أغسطس، 2015
أويلي خزني التصويرة، ونتي من الصباح غا اللي وقف حدانا كتوريها ليه.. ياكما تصحبيه ديال الضياموند بصح
أويلي شفتو خرْج غا هو فالتصويرة حنا اللي تصورنا حداه كاعما خرجنا.. يا ختي هذا هذا ما يكون غا المصور زوما عليه وصوْرو بوحدو وخلانا حنايا خارجين من الكاضر
كيدايرة آللا لاباس عليك؟ كيتهلاو فيك شوية هاد الناس بالصالير ولا والو؟ أويلي مالها ساكتة ما كتجاوبنيش، يا ختي شحال معفرة، آشداني كاع نضهر معاك
ويتك ويتك على عقيق غا مزيناتو.. شتو كيجاني مع الوريدات اللي في «لاغوب ديالي»، امممم تايحمق… هذا خاصني نديه معايا، ونعود نلبسو فالمجلس الحكومي باش نفقص زميلاتي الوزيرات
فالصراحة كون ما كانش كبير هاد الجالوق اللي مصورين حداه، كون ديتو تا هو، نديرو فشي سليسلة، غادي يجي كايحمق.. اللي شافو يصحبو غا ديال الضياموند المشلل بالنقرة
أويلي هاد المقص راه حافي.. سيرو جيبو ليا شي خنجر ولا شي سيف باش نقطع ليكم السينة، راه يلا عولنا على هاد لمقيّص ما يقطعها لينا تال السيمانة الجاية
علاه هو كون كان ديال الضياموند كنتي غا تشوفيني خديت بلاصتو لعقيق ديال الميكة
إيوا حضيوْ ليا مْع داك المصور لايعود عوتاني يزومي عْـلى لـْبلاكة اللي من وْرانا ويخلينا حنايا مساتفين هنايا بلا ما نخرجو فالصورة
